Gjykata e Krimeve të Rënda ka caktuar sot masën e sigurisë “arrest me burg” për italianin, Salvatore Lettizia, arrestuar pas masakrës te Fakulteti i Shkencave të Natyrës me tre viktima.
Prokuroria e Krimeve të Rënda dorëzoi dje në gjykatë kërkesën për caktimin e masës arrest me burg ndaj tre personave të akuzuar për përplasjen me armë të ndodhur të mërkurën e kësaj jave në bulevardin e Tiranës.
Seancat për caktimin e masave të sigurisë ka nisur me masen ne ngarkim te italianit. Prokuroria e krimeve të rënda ka firmosur kërkesën “arrest me burg” për shtetasit Markelian Doçi, e Klevis Doçi, të dy nipa të shtetasit Mentor Lufi.
Masa arrest me burg është kërkuar edhe për shtetasin italian Salvatore Letizzia, për të cilin prokuroria thotë se ka shtënë me armë në vendin e ngjarjes pasi në duar e në rroba i janë gjetur faktorë plotësues të qitjes. Po kështu pistoleta e përdorur prej tij e gjetur nga policia ishte me karrikator të boshatisur.
Vrasja e trefishtë te Shkencat, Krimet e Rënda “arrest në burg” për italianin Salvattore Lettizia
