Masakra e 27 majit në Tiranë ku mbetën të vdekur Besnik Sulku, Mentor Lufi dhe Gerti Goxhaj e ka zanafillën e saj në qytetin e Roterdamit në Holandë aty ku prej vitesh shqiptarët përplasen mes tyre për kontrollit e territorit për trafikun e Drogës dhe Prostitucionit.
Ilir Sula (i njohur edhe me emrat, Durim Sula, Durim Sulku e Besnik Sulku) u ekzekutua në Riderkerk, qytezë e cila ndodhet rreth 25 minuta larg Roterdamit aty ku Sula ka qenë përgjatë pasdites së 6 prillit 2015.
Dosja holandeze
Sipas dosjes së përgatitur nga hetuesit holandezë, Sula rezulton të ketë shkuar në Hollandë ilegalisht në vitin 2010 dhe për 5 vite të qëndronte në Roterdam e Riderkerk në këto dy qytetet në banesa me qira.
Për vrasjen e Sulajt kanë marrë pjesë dy persona të cilët pasi kanë survejuar lëvizjet e 33-vjeçarit kanë vendosur ta ekzekutojnë në parkingun e pallatit ku shqiptari jetonte me të dashurën e tij të cilën pak çaste para vrasjes e njoftonte në ‘What’s up’ se nuk vonohej dhe po mbërrinte në shtëpi.
Në automjetin tip BMW të përdorur në vrasje, hetuesit kanë gjetur gjurmë të autorëve dhe ato do të krahasohen me ato të Markeljan e Klevis Doçit dy nipërve të Mentor Lufit (Doçit), pasi ata dyshohet të jenë autor të mundshëm të kësaj ngjarje.
Kronologjia e vrasjes së Ilirjan Sulajt
Pasi e kanë ndjekur, një nga 2 personat që u dhëtonin me mjetin tip BMW ka dalë nga makina duke iu afruar “Smart”-it të cilin sapo e kishte parkuar Ilirjan Sulku.
Në momentin që viktima hap derën dhe tenton të dalë nga makina qëllohet nga autori.
Pas kësaj autori hipën në makinën e bashkëpunëtorit dhe largohen me mjetin e tyre tip BMW që u gjet e braktisur në lum.
Autorë më pas e kanë hedhur automjetin e tyre në lum, për të humbur gjurmët, por për shkak të baticës nuk është zhytur tërësisht duke ngecur në gurë duke u bërë i dukshëm nga policia e cila e ka nxjerrë për të marrë të dhëna.
Hetuesit holandezë në Shqipëri
Ditët në vijim pritet që në Shqipëri të mbërrijë edhe një grup hetuesish holandez të cilët do të krahasojnë provat materiale të sekuestruara në skenën e krimit ku u vra Ilirjan Sulku me ato të sekuestruara nga masakra e 27 majit në Tiranë, ku mbeti i vdekur Besnik Sulku, Mentor Lufi dhe Gerti Goxhaj.
Vrasja e Sulkut në Holandë nuk është e vetmja për vitin 2015, pasi 3 muaj para vrasjes së 33 vjeçarit, në Roterdam u vranë dhe dy vëllezër shqiptar përkatësisht Florenc e Klevis Tola për të cilët asokohe media lokale raportoi se gjithçka ndodhi pas konflikteve për pazaret e drogës.
