Në foto: Pamje nga Laci 1980
Ish-kandidati i opozitës për Kurbinin, Altin Biba deklaroi fill pas vendimit të Kolegjit Zgjedhor se nuk ka ndërmend të rifutet në garë. “Unë kam dhënë dorëheqje të parevokueshme. Nuk jam i përgaditur të futem në garë ndërkohë që data e zgjedhjeve po afron. Ndërkohë nuk ka kurrfarë ligji që më detyron mua pavarësisht vednimit të gjykatës zgjedhore të marr pjesë në një garë prej së cilës kam dhënë dorëheqje publikisht”, tha ai për një televizion lokal në Tiranë.
Ky është rasti i parë i votimit në Shqipëri vetëm për një kandidat në garë. Situata u krijua pasi KQZ nëpërmjet disa vendimeve kontraverse ia doli të përjashtonte kandidatin zëvëndësues të opozitës.
Kolegji Zgjedhor ka lënë në fuqi sot vendimin e KQZ-së, për kandidatin në garën për bashkinë e Kurbinit. Sipas edhe vendimit të Kolegjit Zgjedhor, Alitin Biba do të jetë kandidati i PD-së, për garën e kryetarit të bashkisë së Kurbinit.
Disa ditë më parë, Komisioni Qendror i Zgjedhjeve miratoi Altin Bibën si kandidat të PD-së për Kurbinin në zgjedhjet lokale me 4 vota pro dhe 3 kundër. Kryetarja e KQZ Lefteri Luzi ka bashkuar sërish votat me mazhorancën për të lënë në fuqi kandidatin e PD për Kurbinin zotin Altin Biba. Ndërsa nuk u pranua dorëheqja e tij për të lënë garën për zgjedhjet e 21 Qershorit dhe refuzoi kandidimin e Ilir Pjetrajt.
Përfundimtare, votimet në Kurbin si në vitin 1980. Biba nuk pranon të rifutet në garë
