Efektivat e komisariatit nr. 5 në Kamëz bllokuan dje në rrugën “Muharrem Bajraktari” në Laknas, ndërtimin e kanaleve të ujërave të ndotura përgjatë këtij segmenti, dhe ndaluan inxhinierin e Drejtorisë se Planifikimit te Zhvillimit dhe Planifikimit të Territorit dhe drejtuesin teknik të subjektit ndërtues. Ky veprim është përsëritur edhe në rrugën “Abdi Bej Toptani” në Valias, ku po ndërtohet kanalizimi i ujërave të ndotura, ku është ushtruar presion subjektit ndërtues nga punonjësit e Inspektorati Kombëtar i Mbrojtjes së Territorit – IKMT (ish-INUK) me pretendimin se ka ankesa nga banorët për çarje kolektori, por në fakt aty nuk ka fare kolektor ekzistues, por po ndërtohet një i tillë. Në po këtë rrugë ku po kryhej një lidhje ujësjellësi me lejen nga Drejtoria përkatëse, janë shoqëruar në komisariat punonjësit e Ndërmarrjes së Ujësjellësit Kamëz.
Në rrugën “Oslo” në lagjen Bathore 7, ku edhe këtu po sistemohet rrjeti i ujërave të ndotura dhe investimi është pothuajse në fazën përfundimtare, shkohet dhe merret në komisariat drejtuesi teknik i zbatimit të subjektit ndërtues. Me anë të këtij presioni, duket qartë tendenca për të bllokuar investimet publike të Bashkisë Kamëz, të cilat po bëhen si gjithmonë në periudhën kohore të njëjtë me vitet paraardhëse, sipas zbatimit procedurave te rregullta ligjore.
Spoti elektoral i kandidatit socialist Safet Gjici është bazuar pikërisht mbi disa pamje që lidhen me kanalet e ujërave të zeza.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
