Dega e Partisë Demokratike dega Kamëz reagon ndaj tentativës së dëshpëruar, sipas saj, të kandidatit humbës të së majtës për të sfumuar takimin e Bathores.
“Safet Gjici, kandidati i PS-së në Kamëz, u ndie keq kur mori vesh që banorët e Bathores kishin dalë masivisht dhe me entuziazëm të prisnin kryetarin e Partisë Demokratike, Lulzim Basha, dhe kandidatin për mandatin e tretë për Bashkinë e Kamzës, Xhelal Mziu. Të kompleksuar nga pritja madhështore, Gjici ka ‘shkarravitur’ ca rreshta në ‘Facebook’-un e tij dhe ka porositur lajme sikur Basha dhe Mziu na qenkan pritur në Bathore me njerëz të sjellë gjetkë, siç thotë analfabeti funksional, ai që na paska mbaruar Fakultetin e Ministrisë së Brendshme. I kujtojmë Safet Gjicit që nuk jemi si ai që mbushi sheshin në Kamëz me 25 autobusë nga Tirana, për të cilët media ofroi edhe prova konkrete me fotografi, të cilët i solli për t’ia shitur shefit të vet Edi Rama si mbështetje. I kujtojmë Safet Gjicit dhe Edi Ramës se takime të përmasave të tilla bëhen në çdo lagje të Kamzës, Bathores apo Paskuqanit dhe se në mënyrë plebishitare këta banorë mbështesin Partinë Demokratike, Lulzim Bashën dhe Xhelal Mziun”, thuhet në reagimin e degës së PD-së, në Kamëz.
Duke deklaruar se presionet e pushtetit nuk trembin askënd, dega e PD-së në Kamëz, paralajmëron kandidatin e mazhorancës se nuk ka për ti shpëtuar hetimit për vjedhjen e një banke te Stacioni i Tenit.
“Së fundmi i themi Gjicit dhe Ramës se presionet e tyre nuk trembin askënd, porse siç e theksoi dhe kryetari i PD-së Basha ai duhet të bëjë transparencë dhe do të hetohet për vjedhjen më të madhe të ndodhur në Tiranë pas asaj Bankës së Shqipërisë, ajo e ndodhur në një bankë të nivelit të dytë te Stacioni i Trenit”, përfundon deklarata e degës së PD-së së Kamzës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
