Kryetari i Partisë Demokratike Lulzim Basha deklaroi sot në një takim në Vaun e Dejës se 130 milionë dollarë në më pak se 5 muaj i mungojnë arkës së shtetit. Po të shohësh rënien në pikiatë të të ardhurave në Dogana, të shkon mendja se në Shqipëri po e lënë duhanin të gjithë dhe ky do të ishte lajm i mirë. Por në fakt nuk është kështu, lajmi është kontrabanda, lajmi është korrupsioni, lajmi është vjedhja e dyshes Rama-Meta.
Kryetari I PD theksoi në fjalën e tij se dyshja Rama-Meta kanë nisur të ndërtojnë skemat e manipulimit dhe shit-blerjes së votës.
“Dyshja Rama-Meta nuk ka ofertë në këto zgjedhje, as këta të tjerët që kanë dalë këtu si hije, ata janë dështimi, ata janë zhgënjimi popullor, ata janë një aksident në rrugën e fatit tonë që duhet t’a lëmë pas me votë dhe duhet t’a lëmë pas me votë. Oferta e tyre është kërcënimi, janë sulmet dhe shpifjet ndaj opozitës, ndaj kandidatëve tanë, janë skemat e manipulimit dhe blerjes së votës. I kam paralajmëruar dhe po i paralajmëroj sërish: Nuk do të gëzoni asnjë votë të manipuluar, asnjë votë të blerë, nuk njohim asnjë rezultat që nuk del nga vullneti i lirë i zgjedhësve shqiptarë! Opozita është në këmbë, bashkë me miqtë tanë perëndimor kemi vendosur për tolerancë zero ndaj manipulimit dhe blerjes së votës. Tolerancë zero dhe drejtësi deri në fund për autorët e tyre”, tha Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
