Policia italiane ka dhënë detaje lidhur me rrethanat dhe identitetin e shqiptarit që kreu vrasje mbrëmjen e së dielës në Teramo. Sipas policisë italiane, ai është Arjan Ziu, 49 vjeç, i arrestuar nga karabinierët jo larg vendin ku kreu krimin.
Arjan Ziu akuzohet se ka vrarë të dielën vonë shtetasin italian Roberto Tizin dhe ka plagosur të shoqen e tij.
Ngjarja ndodhi në momentin kur çifti po hynte në shtëpi. Shqiptari u dorëzua pa bërë rezistencë te karabinierët dhe nuk kishte tentuar në fakt të largohej nga zona. Ai u gjet shumë pranë vendit të ngjarjes.
Mësohet se Ziu dhe italiani kishin pasur një zënkë më herët në një bar. Italiani e kishte plagosur lehtë shqiptarin gjatë përplasjes fizike.
Më pas, nga darka, Ziu e kishte ndjekur italianin dhe priti deri sa ky të zbriste nga automjeti për të hyrë në shtëpi. Aty shqiptari i armatosur qëlloi disa herë me pistoletë duke e lënë të vdekur italianin dhe duke plagosur të shoqen.
Për më shumë mund të lexoni edhe …
/web/Vret_per_seder_italianin_plagos_te_shoqen_nje_dite_me_pas_bie_ne_pranga_3230_1.php
