Këshilli i Europës ka publikuar ditën e mërkurë një raport për shqipërinë rreth racizmit. Sipas këtij raporti, vendi ynë ka shënuar zhvillime pozitive, por shqetësim ende mbetet të folurit në publik, pasi politikanët në Shqipëri transmetojnë gjuhë urrejtje.
Ndërsa duke u ndalur në procesin e integrimit të komunitetit rom, raporti i Këshillit të Europës ka vlerësuar se po ecet me ritme të ngadalta për sa i përket këtij drejtimi. Ndërkohë, në aspektin pozitiv, në raport theksohet puna e avokatit të popullit dhe komisionerit për Mbrojtjen kundër Diskriminimit të cilët kanë bërë përpjekje për të luftuar gjuhën e urrejtjes në publik.
Gjithashtu në hapat pozitiv përmendet edhe amendamenti i Kodit Penal për tu dhënë më shumë mbrojtje personale personave të komunitetit LGBT.
Raporti KiE: Në Shqipëri komuniteti LGBT trajtohet më mirë se komuniteti rom
