Sipas kandidatit të pavarur Gjergj Bojaxhi vlerësimet e ekspertëve dëshmojnë se fushata e Zotit Veliaj deri tani ka arritur të paktën 2 milionë euro dhe mund të kalojë 3 milionë euro në fund të fushatës. Ai aktualisht shpenzon të paktën 50 mijë euro në ditë dhe shprehet se shqetësimi i tij kryesor janë nevojat e qytetarëve. Çdo “dëgjesë” me popullin e z. Veliaj kushton 3 mijë deri në 5 mijë euro. Fushata e Zotit Kosova, edhe pse disi më e varfër, është po ashtu e shtrenjtë. Edhe ajo do të kalojë 1 milion euro shpenzime.
Opozita e ka konsideruar Bojaxhiun si një kandidaturë të futur në lojë nga PS dhe Edi Rama për të përcarë të djathtën, pra edhe i financuar prej tij. Ai ka refuzuar të ndërtojë debat mbi këtë akuzë duke e konsideruar atë si një prej sharjeve të zakonshme në garën e tij.
