“Unë nuk do të votoja kurrë Erion Veliajn. Për mua ai është një person me maskë, që nuk thotë kurrë të vërtetën. Nuk mund të besoj asnjë fjalë që del nga goja e tij. Halim Kosova është modeli i njeriut të punës, të pa korruptuar dhe të ndershëm”
Dritan Prifti, po bën fushatë në Fier për kandidatin Albert Çaçi.
“Nëse fiton Albert Çaçi, kjo është një trampolinë për mua drejt Parlamentit dhe qeverisë së ardhshme”, tha ai për gazetën Panorama.
I pyetur se si ndjehet kur sheh aleancën Meta-Rama, ai thotë se ky është një pazar interesash ekonomikë.
“Berisha, pasi unë publikova videon, humbi një shans për të bërë drejtësi dhe për të futur Ilir Metën në burg. Ai humbi një rast për të pastruar politikën nga pengmarrësi më i rrezikshëm. Jam i sigurt se është bërë pishman që ndërhyri në Gjykatën e Lartë për pafajësinë e Metës”.
I pyetur se si i sheh kandidatët për Tiranën, Prifti thotë, “Unë nuk do të votoja kurrë Erion Veliajn. Për mua ai është një person me maskë, që nuk thotë kurrë të vërtetën. Nuk mund të besoj asnjë fjalë që del nga goja e tij. Halim Kosova është modeli i njeriut të punës, të pa korruptuar dhe të ndershëm”.
