Nëndrejtori i Fondit të Sigurimeve të Detyrueshem të Kujdesit Shëndetësor, Sokol Skurraj do të largohet nga detyra nëse rezulton se ka konflikt interesi në kryerjen e këtij funksioni.
Emri i tij është më i përfoluri në çështjen e skandalit të abuzimit me barnat e rimbursueshme, që deri tani ka çuar në pranga 9 persona dhe në dorëheqjen e Drejtorit të Fondit të Sigurimeve Shëndetësore.
Ish-kryeministri Sali Berisha, e akuzoi Skurajn në parlament se ai ka në pronësi 4 farmaci, 2 në emër të tij dhe 2 të tjera në emër të vëllait. Prokuroria nuk e ka në listën e të pandehurve.
Por Ministri i Shëndetësisë thotë se i është kërkuar informacion Inspektoriatit të Lartë të Deklarimit të Kontrollit të Pasurisë dhe Konfliktit të Interesit (ILDKPKI), për të parë nëse ka konflikt interesi të detyrës së tij me tregun farmaceutik.
“Ne kemi një komunikim me ILDKPI-në për të parë konfliktin e interesit ose jo, të detyrës së tij me tregun farmaceutik. Ndërkohë, drejtuesja e re e Fondit e komanduar që sot do të vazhdojë të zbatojë edhe rekomandimet e njësisë antikorrupsion të Këshillit të Ministrave. Ka masa në vijim dhe në Drejtorinë e Përgjithshme dhe në Drejtorinë e Tiranës. Masat janë masa administrative, ndërsa çështjen me organet e prokurorisë, ndjekin linjën e tyre”, tha Beqaj.
Ministri sqaroi se do të faktohet konflikti i interesit, Skuraj do të largohet nga detyra si Zëvendësdrejtor i Fondit i Sigurimit të Detyrueshëm të Kujdesit Shëndetësor.
Skandali i ilaçeve, Sokol Skurën nuk e mbron më askush, edhe IDKPKI e Ilir Beqja “i janë vënë mbi shpinë”
