Prokurori i Përgjithshëm, Adriatik Llalla tha sot se listën me kandidatë të inkriminuar e kemi dërguar në institucione duke lënë të kuptohet se edhe sot një pjesë e votuesve shqiptarë duhet të zgjedhin mes tyre. “ Lidhur me përfshirjen e këtyre individëve në procesin zgjedhor si kandidatë, ne kemi dhenë përgjigje. Ligji penal nuk pengon kandidatë me rekorde kriminale që të kandidojnë në procesin zgjedhor. Me procesin për dekriminalizimin që ka nisur tashmë nga ligjvënësit, ky problem do të marrë zgjidhje ligjore. Ka emra konkretë në listën tonë të cilat janë bërë të njohur institucioneve përkatëse partive politike dhe zyrtarëve ndërkombëtarë”, tha Prokurori i Përgjithshëm, Adriatik Llalla.
Prokurori Llalla kishte një takim me grupin e gatshëm të prokurorëve për ditën e zgjedhjeve. Ai tha se nuk ka pasur nga të dhënat e deritanishme asnjë kallëzim në prokuroritë e vendit.
