Roskovec: Të dy kandidatët kanë të njëjtën sigël të subjekteve politike, ASHE. Pas problemit me fletën e votimit, KQZ ka vendosur me shumice votash qe fleta e votimit te mos ndryshoje. PD e drejton bashkinë e Roskovecit me Gëzim Caushin. Sot ai garon me një ish-deputete, Majlinda Bufi.
Tepelenë: Në fletët e votimit ka dublim të numrave rendorë të kandidatëve. Kandidati i mazhorancës dhe opozitës kanë të njëjtin numër rendor, kandidati i pavarur ka numrin 1 dhe lista vazhdon me 2 për kandidatin e mazhorancës dhe po me 2 për kandidatin eopozitës. Duhej të vazhdonte 2,3. Procesi u ndërpre për 4 orë. Komisioni Qendror i Zgjedhjeve vendosi që procesi të rinisë bashkë me gabimin në lista.
Lac: KQZ emëroi kryesisht një person të pretenduar se i përkiste shoqërisë civile, Fran Nezha. Nezha ka qënë prefekt i PS-së, për 10 vjet drejtues i strukturave socialiste të Kurbinit, anëtar i stafit të kandidatit të majtë.
Në shumë zona votimi: Boja e gishtit nuk funksionon, ikën lehtësisht sapo lahet. Ose boja është e tharë dhe nuk lë gjurmë në gishtin e votuesit.
Fotografimi i votës: Fotografimi i votës po bëhet nga shumë persona dhe pas këtij momenti vota raportohet atje ku është negociuar. Zakonisht këto vota janë të blera apo të dhëna në shkëmbim favoresh.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
