Humbja e Pogradecit, për më tepër mënyra e humbjes së kësaj bashkie, duket se ka filluar të lërë gjurmët e para të dyshimit te drejtuesit e LSI. Ndërsa Luan Rama e quajti “pazar” dhe e krahasoi humbjen në Pogradec me “pazarin e Roskovecit”, Ilir Meta ka zgjedhur një mënyrë më “origjinale” për ta shprehur zemërimin e ti. Ai ka falënderuar humbësin e Tiranës, Halim Kosovëm, por jo fituesin, aleatin e tij Erion Veliaj.
Në një deklaratë të tij, kreu i Kuvendit, njëherësh drejtuesi i LSI-së Ilir Meta ka vlerësuar sot si një risi për politikën shqiptare sjelljen e Halim Kosovës.
“Sjellja e Doktor Kosovës sjell një standard të ri. Politika ka nevojë për më shumë qytetari”, ka thënë Meta.
Sipas tij, fushata që ka bërë Kosova ka sjellë një risi pozitive për politikën shqiptare dhe si e tillë duhet vlerësuar.
Në përfundim të kësaj deklarate, asnjë urim për Erion Veliajn, i cili vetëm pak orë më parë nuk ja kishte kursyer “urimin nga zemra”, Ilri Metës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
