PS vijon të jetë forcë e parë politike në proporcional me rreth 26% deri ën orën 18.30 ndërkohë që janë numëruar 1600 kuti votimi nga 5300 në të gjithë vendin. Partia Demokratike është në vendin e dytë me rreth 18%, ndërsa Lëvizja Socialiste për Integrim me rreth 17% në vendin e tretë.
Koalicioni i djathtë ka grumbulluar 145 mije vota ndërsa koalicioni i majtë 322 mijë vota.
Por në disa bashki raportet janë të përmbysura. Për shembull në Delvinë PD është forcë e katërt. Tre vendet e para janë të ndara mes partive të koalicionit të majtë PS, LSI, PDIU por vetë LSI është e para. Votat e para të numëruara për këshillat bashkiakë flasin për rezultate surprizë për të gjitha forcat politike.
LSI rezulton forcë e parë në Skrapar, ndërsa PD deri tani është forcë e parë në qarkun e Kukësit.
