Kanë shkaktuar një dëm ekonomik mbi 600 mijë euro vetëm në pak muaj. Drejtoresha e prokurimeve të përqëndruara Valbona Kaso dhe 11 zyrtarë të kësaj drejtorie akuzohen se kanë shkelur barazinë në tendera.
Zyrtarët e tjerë të paditur janë anëtarët e komisionit të vlerësimit të ofertave me inicialet zj. E P, zj. E S, zj. E S, z. Y P, zj. A N, z. A G, z. M P, z. A J, z. E Gj, z. A Z, zj. E S, prej të cilëve 5 janë femra dhe 6 janë meshkuj. Duke qenë anëtarë të komisionit ata kanë konsumuar elementët e figurës së veprës penale të “Shkeljes së barazisë së pjesëmarrësve në tenderë apo ankande publike”, parashikuar nga neni 258 i Kodit Penal.
Po ashtu KLSH i ka kërkuar Ministrti të Brendshëm Saimir Tahiri, që të fillojë procedurat e dhënies së masës disiplinore “Largim nga shërbimi civil” për personat përgjegjës.
Raporti për shkeljet në ministrin brendshme i ka shkuar po sot edhe Kryeministrit Rama.
Shkeljet:
-Për të njëjtat parregullsi në dokumentacion, Komisioni ka kualifikuar dhe shpallur fitues me ofertë më të lartë ekonomike dhe ka s’kualifikuar një tjetër me ofertë më të ulët
-Në tenderin me objekt “Blerje pjesë ndërrimi për automjete për shërbimet profilaktike”.
-Në tenderin me objekt “Blerje tonerë”.
-Në tenderin me objekt “Blerje uniformash, veshmbathje dhe elementë të tjerë, përbërës të tyre”.
-Në tenderin “Blerje automjete speciale për Ministrinë e Mbrojtjes”.
-Në tenderin me objekt “Blerje Certifikatash për Drejtorinë e Përgjithshme të Gjendjes Civile”.
-Në tenderin me objekt “Blerje Fuoristrada & Mikrobusë”.
