Gjykata e Gjirokastrës nuk ka më gjyqtarë që të shqyrtojnë dosjet e personave të ndaluar dhe të arrestuar për çështjen e Lazaratit. 10 gjyqtarët të Apelit për Krimet e Rënda, ditën e enjte, janë nisur për në këtë qytet dhe do të marrin në shqyrtim numrin e madh të personave që akuzohen për ngjarjet e pak ditëve më parë.
Mësohet se Këshilli i Lartë i Drejtësisë i ka deleguar këta 10 gjyqtarë për shkak të konsumimit të trupës së gjykatës në Gjirokastër. Numri i personave të ndaluar për ngjarjen ku u vra efektivi i RENEA-s, është 45. Ndërkohë Prokuroria për Krimet e Rënda vazhdon të këqyrë elementë të vlefshëm për hetimin, të cilët janë përfituar nga vendi i ngjarjes.
Ndërkohë sot, Dritan Shurdhi dhe Ervin Mahmutaj janë lënë në burg pa afat. Ata akuzohen për armëmbajtje pa leje dhe prishje të qetësisë publike. Deri tani 10 persona po hetohen nga Prokuroria për Krimet e Rënda për të cilën është vendosur masa e arrestit me burg.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
