Baki Gjini, 21-vjeçari nga Lazarati, është personi i arrestuar nga policia, i cili ka treguar edhe vendin e fshehjes së armëve që u përdorën në sulmin e mëngjesit të 24 qershorit ndaj forcave të policisë, ku mbeti i vrarë Ibrahim Basha.
Pas bashkëpunimit të Xhuliano Malos dhe Klodian Selimit me prokurorinë, në ndihmë të hetuesve ka ardhur edhe dëshmia e Baki Gjinit i cili ka rrëfyer detaje të reja për zbardhjen dhe identifikimin e autorëve të sulmit me armë ndaj policisë.
Burimet thonë se nga deklarimet e të arrestuarve Malo dhe Selimi policia ka identifikuar thuajse të gjithë pjesëtarët e grupit të mbledhur rreth Arbjon Alikos për të sulmuar policinë. Ndërsa, dëshmia e të arrestuarit Gjini ka dërguar hetuesit te vendi i fshehjes së armëve, në pusetën e ujit pas shkollës së mesme në Lazarat. Kjo puset, sipas hetuesve, korrespondon rreth 50 metra nga vendi nga ku mendohet se është qëlluar furgoni i policisë, brenda të cilit ndodheshin efektivët e RENEA-së.
Në mesin e armëve të kalibrit të madh të gjetura në këtë puset, policia ka sekuestruar edhe disa qindra plumba gëzhoja e të cilave është e njëjtë me ato të gjetura nga vendi ku është qëlluar në drejtim të policisë. Këto lloj fishekësh, sipas policisë përdoren nga disa armë, por nuk përjashtohet mundësia që Basha ka gjetur vdekjen një mitraloz i cili është gjetur tashmë. Për të identifikuar armën nga është qitur predha që i solli vdekjen efektivit të RENEA-së prokuroria i ka dërguar armët për ekzaminim shkencor në laboratorin e policisë. Sipas hetuesve, një provë thelbësore e zbardhjes dhe identifikimit të armës nga ku është qitur plumbi që i solli vdekjen efektivit Basha është gjetja e predhës, e cila po kërkohet me imtësi në perimetrin e vendit ku është qëlluar furgoni.
Të gjithë këto armë do i nënshtrohen ekzaminimit të gjurmëve të gishtave dhe atij krahasues me gëzhojat e gjetura në vendin e ngjarjes. Me përfundimin e këtyre ekspertimeve, pritet të zbardhen edhe emrat e personave që i kanë përdorur këto armë mëngjesin e 24 qershorit në Lazarat.
Armët e gjetura në puset
• 1 mitraloz i rëndë kundërajror 12.7 mm, me këmbalec
• 1 mitraloz i rëndë 7.62 mm, model 54, me 1 trekëndësh mbështetës
• 2 automatik kallashnikov, 4 karikatorë boshe dhe 2 me fishekë
• 3 predha kundërtank
• 2 mbushje të predhave kundërtank
• 1 granat-hedhës,
• 1 kasetë metalike me 250 fishkë model 54
• 1 shirit me 170 fishekë model 54
• 1 shirit me 44 fishekë model 12.7
• 1 arkë metalike me 50 fishekë model 54, kalibër 12.7
• 1 arkë me 470 fishkë model 54, kalibër 7.62
• 1 bidon 5 litërsh
• 1 çantë lini me fishkë të ndryshëm
Për më shumë mund të lexoni edhe …
/web/LAZARAT_Arrestohet_nje_tjeter_person_fshehu_armet_ne_puset_4341_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
