“Tragjedinë në Dukagjin, e konsiderojmë ngjarje të izoluar. Shqipëria është vend popullor, tërheq shumë turistë nga Çekia dhe Polonia”, ky është reagimi i Ambasadës së Çekisë në Tiranë, ndërsa ka bërë të ditur se ngjarja, ku u vranë dy turistë çekë, ka ndodhur në afërsi të Shkodrës, ku ka shumë kampe.
Deklarata është bërë për mediat çeke nga Radka Calábková, pjesë e ambasadës së Çekisë në Shqipëri.
Ndërkohë, ministria e Jashtme çeke ka sqaruar për mediat vendase se, “Rasti po hetohet si një krim. Policia ka gjetur armën e krimit, një kallashnikov. Siguria në Shqipëri ka përmirësime vitet e fundit.
Turistët ishin nga zona perëndimore e Çekisë. Ngjarja ka ndodhur në afërsi të Shkodrës, ku ka shumë kampe. Dy turistët u vranë me armë zjarri në makinë. Tani do të kontaktojmë me familjet e viktimave. Viktimat janë dy turistët nga Çekia Michael Svatos dhe Anna Kosinova”.
Vrasja e 2 turistëve, ministria e Jashtme çeke: Rasti po hetohet si një krim, tragjedia ngjarje e izoluar
