Janë hapur në orën 7 qendrat e votimit në të gjithë Greqinë ku do të votohet për mbeshtetjen ose jo te kerkesave të kreditorëve për të nxjerrë vendin nga kriza që e ka pllakosur qysh prej 5 vjetesh. 9.8 milonë grekë pritet tu drejtohen qendrave të votimit. Kerkesa në këtë votim është e thjeshtë nëse do të pranohet ose jo draft marrvëshja e 25 qershorit e propozuar nga eurogrupi por e papranuar nga qeveria e majtë greke.
Kërkesa për referendumin poullor u kërkua nga kryeministri grek Aleksis Tsipras pas mosmarrveshjeve që kishte me kreditorët e eurogrupit.
Ky referendum do të vlerësojë kerkesat e kreditorve ndërkombëtarë.
“Votova ‘Jo’ ndaj asaj po-je që partnerët tanë europianë këmbëngulin që unë të zgjidhja”, thotë Eleni Deligainni, një 43-vjeçare nga Athina. “Jam e papunë prej afro 4 vitesh dhe i kam thënë gjithnjë vetes të ruaj qetësinë e të kem durim… Por tashmë kemi arritur kulmin, jemi privuar shumë dhe kemi një papunësi të lartë”.
“E quani dinjitet këtë? Të qëndrosh në radhë te bankomatet (ATM) për një grusht eurosh?”, pyet një pensionist 76-vjeçar, Yannis Kontis, pasi votoi në rajonin periferik të Athinës, Pangrati. “Votova ‘Po’, në mënyrë që të qëndrojmë në Europë”.
108.371 shtetas pritet të votojnë për herë të parë në jeten e tyre dhe do ta nisin ketë histori me votimin në një referendum. Ndërkohë sondazhet e shumta e kanë nxjerrë me një diference shumë të vogël rezultatin e votimit. Aleksis Tsipras para 50 mijë mbështetësve dje në qender të Athinës u kerkoi bashkombase të tij ta refuzojnë kërkesen e kreditorëve.
Kutitë e votimit do të mbyllen në 18:00 të pasdites, ndërsa projeksionet e para të votave pritet të dalin vetëm 1 orë më pas. 4 sondazhe të publikuara të premten nxorrën votën ‘Po’ në avantazh por shumë të ngushtë kundrejt ‘Jo’-së. Të gjitha rezultatet ishin brenda kufirit të marzhit të gabimit.
