Shpesh herë jemi të detyruar të shkojme në pushime me veture ose me motor. Por për të mos patur asnjë problem me policinë është mirë që të jemi koshientë për ligjin e qarkullimit rrugor në vendet ku kalojmë në Europë por edhe më tej se Europa.
Në shumicen e vendeve të Europës Qëndrore e veriore norma e lejimit të alkolit në gjak është në masën 0.5 për qind, por duhet të kemi kujdes se në shume vende të Europës lindore ka një tolerancë zero për alkolin.
Limiti i 0.5 për qind është i aplikueshëm dhe i pranueshëm në Zvicer por edhe në vende fqinje me këtë të fundit, si në Francë apo Itali por edhe në, Gjermani dhe Austri, Belgjikë dhe Slloveni. Edhe në Portugali, dhe në Greqi është e njëjtë niveli i alkolit të lejueshëm për të ngarë një makinë.
Në Suedi, Norvegji dhe Poloni niveli është i limituar në 0.2 për qind. Ndërkohë në Europen Lindore vihen re ndryshime të shumta. Në serbi ka kluar nga 0.5 që ka qënë në 0.3. Në Shqipëri në 0.1. Moldavi në 0.3. Në shumë vende të Europës Lindore si në Hungari, Kroaci, Republika Çeke apo Rumani ka një tolerance zero për pijedashësit në makinë.
Por keshilltarët e sigurisë për një qarkullim të qetë dhe mëse të sigurtë këshillojnë që të mos konsumohet asnjë pikë pije alkolike para se të marrish makinën për të udhëtuar. Pirja alkolike në masën 0.2. deri ne 0.5 për qind, shpjegojnë specialistët, e reduktojnë shumë mundesinë e reagimit në rast të një rreziku në rrugë. Ndërsa nëse e kalon 0.5 për qind është pothuajse e pamundur të reagosh shpejt dhe në një mënyrë adekuate në një rrezik të mundshëm. Nëse kalon 1 për qindshin çdo situatë është shumë e rrezikshme.
Duhet gjithashtu të kuptohet qartë se nuk është shumë e lehtë të matet sasia e alkolit dhe ajo çfarë bën ai në trup apo në mënyren se si mund të reagojmë. Por është e veshtirë sepse një lloj alkoli ka ndikime të ndryshme nga një lloj pije tjeter po alkolike. Ndikon gjithashtu edhe mosha, seksi apo gjendja shpirtërore e shendetsore e secilit drejtues automjeti. Për shembull një femër e peshës 60 kg nese ka pirë 2 gota verë pa ngrenë ka një nivel të alkolit në gjak rreth 0.6 për qind.
