Autobusi i linjës Liqeni i Thatë – Qendër në Tiranë është djegur gjatë mesnatës midis të dielës e të hënës. Dyshimet e para, bëjnë fjalë për një zjarrëvënie të qëllimshme. Autobusi ka qenë i parkuar në vend-parkimin e urbanëve të kësaj linje në Liqenin e Thatë.
Për policia ka shoqëruar rojën e parkingut. Sipas dëshmisë së tij, autobusi me targa AA 613 GN në pronësi të personit me iniciale S. D., është djegur nga dy persona, të cilët sipas rojës kanë qenë me maska. Ai thotë se ata e kanë kërcënuar dhe më pas i kanë vënë flakën autobusit.
Ndërkohë policia po heton në dy pista: E para, lidhet me hetimin për një zjarrvënie për motive të konkurrencës dhe e dyta, mund të jetë djegur nga vetë stafi i linjës dhe deklarata e rojës mund të jetë sajesë e tyre.
Nga zjarri nuk ka pasur të lënduar, por vetëm dëme materiale.
Tiranë, kërcënohet roja, digjet autobusi te Liqeni i Thatë
