Grabitet një banke e nivelit të dyte në rrugën “Tregtare” në Durrës. Dy persona të armatosur e maskuar, si edhe me motoçikletë, kanë grabitur bankën “Credins” nën kërcënimin e armës, por në momentin që kane tentuar të largohen njëri prej grabitësve është neutralizuar nga siguria private e bankës, duke i marrë armën dhe shumën e parave, që autorët tentuan të nxirrnin jashtë ambienteve të bankës. Njeri prej autoreve i cili u neutralizua nga siguria private, iu dorëzua policisë, ndërsa grabitësi i dytë i cili mundi të largohej është identifikuar dhe shpallur në kërkim nga uniformat blu.
Pavarësisht prezencës së madhe të policisë në qendër të Durrësit, nuk është bërë e mundur vënia në pranga e autori të dytë.
Grupi hetimor po punon për zbardhjen e plotë të ngjarjes.
Provat materiale që u gjetën e bllokuan nga policia
•një armë zjarri tip automatik kallashnikov,
•një armë zjarri tip pistoletë,
•1 paruke,
•1 motoçikletë,
•1 çantë që shërbente për futjen e kallashit dhe
•1 çantë që shërbente për futjen e lekëve.
