Konsumi i madh i drogës nuk është dukuri shqetësuese vetëm për meshkujt në Shqipëri, pasi ka një trend në rritje edhe të femrave përdoruese të drogës.
Shefi i shërbimit të toksikologjisë Prof Dr. Zihni Sulaj thotë se ka një trend në rritje të femrave të cilat përdorin kombinim të drogave. Ato përbëjnë rreth 10 % të përdoruesve të drogës në Shqipëri.
“Por përgjithësisht shifrat janë më të ulëta të femrave, nuk besoj se shkojnë në mbi 10 %. Kjo mund të shkojë 10 % te përdoruesit e kokainës dhe alkoolit, dhe shoqërojnë alkoolin me kokainë në party ose forma të veçanta. Por vihet re një trend rritje në femrat që abuzojnë kryesisht me alkoolin, kokainën dhe stimulantë të tjerë”, thotë Prof. Dr. Zihni Sulaj, shef i shërbimit të toksikologjisë.
Ajo që është edhe më shqetësues për prof. Sulaj janë çiftet bashkëshortore madje dhe me fëmijë të cilët kanë krijuar varësi nga droga.
“Ne kemi vënë re një risk real në këto vite që të rinjtë meshkuj në përgjithësi, aksidentalisht, ose nganjëherë dhe nga mosnjohja mirë e fenomenit, ia ofrojnë partnereve të tyre ta provojnë një herë, dy herë, dhe ky është risku më i madh. Kemi çifte, madje të martuar e me fëmijë që janë të varur të dy dhe ky është problemi më i mprehtë”, vijon Sulaj.
Sipas një studimi të bërë nga Instituti i Shëndetit Publik rezulton që në vitin 2015 përllogariten rreth 6000 persona që kanë krijuar varësi nga droga, 250 persona kanë rezultuar me mbi overdozë në një vit, ndërkohë që në shërbimin e toksiokologjisë shtrohen çdo vit 400 vetë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
