Policia e Elbasanit , në bashkëpunim me Komisariatin e Policisë Peqin bënë arrestimin në flagrancë të shtetasit Françesko Hamolli, vjeç 22, banues në Peqin.
Ky shtetas, u arrestua nga efektivat e policisë, pasi gjatë natës, gjatë një konflikti për motive të dobëta, dyshohet se ka hedhur në oborrin e banesës së shtetasit A.B vjeç 44, banues në Peqin, një sasi lënde plasëse artizanale.
Si pasojë e shpërthimit të lendës plasëse janë dëmtuar pjesërisht xhamat e njërës prej dritareve. Grupi hetimor në vendngjarje ka sekuestruar në oborrin e banesës në cilësinë e provës materiale.
Gjatë kontrrollit të ushtruar nga efektivat e policisë, në banesën e shtetasit Françesko Hamolli u gjetën dhe u sekuestruan në cilësinë e provës materiale:
200gr Nitrat Amoni, dy copëza fitil zjarrpërcjellës me gjatësi prej 20cm, tre telefona celularë, rulotë natribani dhe copëza sfungjeri
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i pronës me eksploziv” parashikuar nga neni 152 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
