Në fund të vizitës së saj në Tiranë, zyrtarja e lartë e Departamentit të Shtetit gjatë një bisede me gazetarët tregoi cështjet më të rëndësishme që kishte biseduar me politikanët shqiptarë. “Ambsadori Lu ka folur shpesh për dekriminalizimin dhe e ka bërë këtë me mbështetjen e plotë të Uashingtonit. Njerëzit duhet të kenë të drejtën të votojnë persona që nuk kanë histori kriminale. Insistojmë që populli shqiptar ti kërkojë partive politike të kandidojnë emra të pastër. Ju të jeni ata persona që duhet ta bëni këtë , të bëni presion për ato reforma që krijojnë një zonë mospajtimi për politikanët e papastër”, tha Nuland.
“Ajo që duam të shohim është legjislacion ose ndryshime kushtetuese që e bëjnë shumë shumë të vështirë për cilëndo parti që të paraqesë njerëz që ka kriminalitet në të shkuarën e vet ose që duan të merren me kriminalitet nga pozicione pushteti. Megjithatë, nuk duhet të prisni që drejtësia të bëhet nga jashtë; nuk duhet të doni që Shtetet e Bashkuara të gjykojnë këtë apo atë apo atë tjetrin. Duhet të doni një sistem që e bën të pamundur që kjo të ndodhë. Prandaj poi mbështesim reformat që do ta bënin një fushë të ndaluar për politikanët e pistë. Dhe duam të shohim të gjithë udhëheqësit e partive politike, pavarësisht nga krahët, që të bashkohen dhe të bëjnë ato lloj reformash sistemike legjislative që mbështet një sistem më të pastër. Përsëris, dëgjuam angazhime të mira si nga qeveria ashtu edhe nga opozita sot. Tani duhet të punojnë së bashku për ta bërë realitet”, theksoi Nuland.
Në vijim Nën Sekretarja amerikane e Shtetit , tha se dicka tjetër që kemi biseduar është nevoja që të luftohet kundër ekstremizmit, Shqipëria e ka marrë këtë udhëheqje në këtë rajon dhe duam të vazhdojë.
Nuland tha se Shqipëria ka ende shumë sfida për të përmbushur. Ekstremizmi dhe anëtarësimi në BE janë disa nga sfidat e Shqipërisë . Ajo tha se shqiptarët duan një gjyqësor të pavarur për të vendosur për drejtësi. Ka pasur një dakordësi mes opozitës dh qeverisë lidhur me reformën në drejtësi dhe strukturat janë hedhur për ta vazhduar më tej, tha ajo.
