Leskaj: Viti 2014 – 2015, 27 miliardë lekë dëm ekonomik, problem pandëshkueshmëria

Komisioni i Ekonomisë ka diskutuar sot raportin e Kontrollit të Lartë të Shtetit për vitin 2014.
I pranishëm në këtë mbledhje ishe vetë kreu i KLSH-së Bujar Leskaj. Ai deklaroi se gjatë vitit të kaluar dhe 6-mujorit të parë të viti 2015, nga 160 auditime u zbuluan 27 miliardë lekë dëme. Ai shtoi më tej se shkeljet e disiplinës financiare kapin shifrat e 20 miliard lekëve.
“KLSH ka një ecuri konstante me 160 auditime këtë vit. Në 2014 dhe 6-mujori i parë i 2015, 27 miliardë lekë dëme. Shkeljet e disiplinës financiare 20 miliard lekë. Problem ngelet pandëshkueshmëria. Të hartohet ligji i kulturës materiale dhe të forcohet auditi i brendshëm në institucione”, tha Leskaj.