Grupi kriminal ndër më të rrezikshmit në Tiranë por edhe në qytete të tjera të vendit është goditur sot nga policia e kryeqytetit. Të akuzuar për disa vepra të rënda penale, si vrasje me paramendim, krijim grupi kriminal, trafik narkotikësh, armësh dhe municionesh, pjesa më e madhe e grupit prej 13 vetash kanë rënë në prangat e policisë ndërkohë që cikli është mbyllur me dy më të fundit Albano Beqiraj dhe Fatos Koka.
Po ashtu ata akuzohen se kanë vendosur një numër gjobash për biznese të ndryshme duke u grabitur kështu pasurinë.
Ndryshe thirret grupi i Admir Tafilit, një eksponent i njohur i botës së krimit i cili aktualisht është i dënuar me burgim të përjetshëm. Deri tani janë 9 të arrestuar, ndërsa 4 të tjerë janë shpallur në kërkim.
Të arrestuarit janë:
Admir Bahri Tafilaj (drejtues i grupit) – i dënuar me burgim të përjetshëm.
Kristi Jovan Pine – (ekzekutor), arrestuar në datë 16.02.2015
Alfred Shefqet Qefali (ekzekutor), i arrestuar në datë 11.02.2015
Alksander Ridvan Goro (antar), i arrestuar në datë 16.02.2015.
Elson Pal Merdani (anëtar i grupit), kunati i A.Tafilajt, i arrestuar në datë 14.02.2015
Albano Beqiraj (anëtar i grupit), i arrestuar në datë 14.02.2015
Adrian Emaz Uzuni (anëtar – porositës), i arrestuar në Torino, Itali për vepra penale në fushën e narkotikëve në shtetin italian.
Fatos Mehmet Koka (anëtar i grupit), i arrestuar në datë 11.07.2015
Dhimiter Bujar Zito (anëtar i grupit), arrestuar në datë 18.03.2015
Dritan Myzafer Peksani, i shpallur në kërkim
