Policia e Shtetit ka bërë të ditur të dhënat zyrtare në kuadër të Operacionit për “Kontrollin cilësor, sasior e fiskal të hidrokarbureve”. Ky aksion ka nisur që prej datës 04. 05. 2015, nga grupet ndërinstitucionale të punës me specialistë nga Doganat , Tatimet, Drejtoria e Përgjithshme e Metrologjisë, Inspektoriati Qëndror Teknik, si dhe Policia e Shtetit përfshi edhe Specialistët nga Krimi Ekonomiko-Financiar, dhe deri më datën 16. 07. 2015, janë zhvilluar një sërë kontrollesh ndaj subjekteve private të tregtimit të karburanteve në gjithë vendin.
Operacioni do vijojë edhe në ditët e ardhshme.
Nga operacioni ndërinstitucional i kontrollit cilësorë, sasiorë dhe fiskal të hidrokarbureve, nga data 04 Maj – 16 Korrik 2015 janë arritur këto rezultate:
783 subjekte janë kontrolluar në Tiranë, Fier, Berat, Durrës, Lezhe, Shkodër, Elbasan, Korçë, Dibër, Vlorë, Gjirokastër, Përmet, Sarandë, Kavajë dhe Kukës nga të cilat :
99 subjekte u proceduan penalisht;
79 për fshehje të ardhurash,
11 për ndryshime në aparatet matëse;
6 për ruajtje magazinim tregtim të mallrave kontrabandë,
1 për kontrabandë me mallra të akcizës dhe
2 për mos pagim taksash
1 për manipulim të tregut,
Arrestuar e shpallur në kërkim
8 persona u arrestuan,
3 janë shpallur në kërkim ,
Janë sekuestruar.
56 503 litra naftë,
711 litra benzine dhe
6 350 litra gaz
