Një aksident i rëndë automobilistik është shënuar mesditën e së dielës në aksin rrugor Shkodër-Lezhë, ku 3 kalimtarë janë përplasur nga një automjet, i cili kishte humbur kontrollin.
Burime nga policia kanë bërë të ditur se fillimisht dy mjete janë përplasur mes tyre dhe për pasojë njëra ka humbur kontrollin dhe ka përplasur 3 këmbësorë. Aksidenti ndodhi në vendin e quajtur Bahçallëk, në aksin Shkodër – Bushat. Sipas policisë, mjeti tip “Ford-Fiesta”, bëri një parakalim të gabuar dhe për pasojë, goditi qytetarët në stacionin e autobusit. Me pas, makina u përplas me një kioske aty pranë.
E moshuara, që u plagos rëndë, u dërgua në reanimacionin e Spitalit të Shkodrës.
Fatkeqësisht 76-vjeçarja me inicialet H. M. ka gjetur vdekjen, ndërsa ka mbetur i plagosur një fëmijë 7 vjeç dhe shtetasi E. B., 30 vjeç.
Shkaqet e aksidentit janë ende të paqarta, ndërsa policia po punon për zbardhjen e plotë të ngjarjes.
Një tjetër aksident automobilistik u shënua edhe gjatë orëve të para të së dielës në aksin Milot-Laç, ku tre persona mbetën të plagosur rëndë.
Shkodër, makina përplas 3 kalimtarë – 1 i vdekur, 2 të plagosur
