Mariglen Myftaraj është arrestuar në flagrancë nga policia e Vlorës pasi u kap duke vjedhur një banesë në këtë qytet. 23 vjeçari, banues në Berat, rreth orës 02:00 të mëngjesit të sotëm ka tentuar të vjedhë banesën e qytetarit me iniciale M. A., por është kuptuar nga i zoti i shtëpisë, i cili ka njoftuar policinë pa u kuptuar nga hajduti.
Menjëherë Policia ka mbërritur në vendngjarje, në lagjen “Kushtrimi” dhe ka bërë të mundur arrestimin e tij.
Pas veprimeve paraprake, Mariglen Myftaraj, para se të futej në banesën e këtij shtetasi, është futur në banesën e qytetarit me iniciale B. T., përsëri në lagjen “Kushtrimi” ku ka vjedhur 1-orë të markës “Reymond” dhe 3.500 lekë (të reja).
Gjate veprimeve hetimore, Policia e Vlorës konstatoi se ky shtetas ishte shpallur më herët në kërkim për veprën penale “Largimi nga Vendi i Vuajtjes së Dënimit”.
Ai ishte larguar nga burgu i Kosovës së Madhe në Belsh, ku duhet të ishte akoma duke vuajtur dënimin.
Më datë 10.07.2015, ai ishte larguar me leje 5-ditore nga IVDKM-ja (Institucioni i Vuajtjes së Dënimit në Kosovë të Madhe) për të vizituar familjarët e tij deri më datë 15. 07. 2015. Por, në ditën e fundit, në orën 12:00, kohën kur Mariglen Myftaraj i ka përfunduar leja, nuk është paraqitur në vendin e vuajtjes së dënimit dhe nuk është kthyer më.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
