Igli Meta dhe Mario Mema mund të mos kenë qenë të vetmit pjesëmarrës në vrasjen makabre të 17 – vjeçarit Islamil Lulli, më 19 Korrik në Pezaro. E përditshmja italiane “Il Giornale” shkruan se ekspertët mjeko – ligjorë janë të sigurt se krimi është kryer nga të paktën 4 persona. Pas zbulimit të kurthit që ishte ngritur përmes SMS -së së Amberës, të dashurës së Igli Metës, hetuesit kanë rindërtuar skemën e vrasjes.
Sipas tyre, katër të rinjtë që morën pjesë në vrasjen e Ismail Lullit, fillimisht e kishin torturuar 17 – vjeçarin. Më pas e kishin futur në makinën e Igli Metës dhe me të mbërritur në kodrën e San Martinos në Selvanera, ata e ulën para një kryqi dhe e lidhën që Ismaili të mos binte për shkak të pafuqisë fizike.
Igli Meta, që “il Giornale” e quan xhelat, kishte nisur marrjen në pyetje të tij, derisa Lulli i kishte treguar për simpatinë që kishte për Amberën. Në këtë pikë, një nga bashkëpunëtorët e kishte pyetur Iglin, nëse ishte momenti për ta vrarë.
Ai e godet duke i shkaktuar plagë të rënda në të dyja anët e qafës së 17 – vjeçarit. Frymëmarrja e tij kishte nisur të vështirësohej. Duke e parë se nuk kishte shpresa që Ismail Lulli të mbijetonte, Igli i jep goditjen përfundimtare duke e përplasur kokën që i varej, tek kryqi që kishte prapa.
“Il Giornale” nuk jep detaje se kush mund të jenë dy të rinjtë e tjerë që mund të kenë marrë pjesë në vrasjen e Ismail Lullit, përveç Igli Metës dhe Mario Memës
Pas rrëfimit përpara hetuesve, Igli i dërgoi një letër familjes së Islamilit, ku i kërkonte të falur që u vrau djalin, por prindërit e 17 – vjeçarit kërkuan drejtësi për krimin ndaj djalit të tyre.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
