Prokuroria e Lushnjes ka kërkuar 25 vjet burg për Demir Hoxhën, mësuesin nga fshati Zharrnec i Divjakës që abuzoi me nxënësen e tij. Hoxha akuzohet për marrëdhënie me të mitur. Nga hetimet e prokurorisë, rezulton se Demir Hoxha ka kryer marrëdhënie seksuale me vajzën e mitur edhe në janar të këtij viti. Vetë ish-mësuesi e ka pranuar akuzën, se ka kryer dy herë marrëdhënie seksuale me nxënësen e tij, por ka deklaruar se e ka bërë një gjë të tillë përmes joshjes, dhe në asnjë rast me dhunë. Edhe ekspertiza mjeko-ligjore provoi faktin për të cilën akuzohet Hoxha.
Skandali u bë publik në fillim të qershorit të këtij viti, ku e abuzuara , nxënëse e klasës së pestë, e denoncoi në polici ish-mësuesin, në shoqëri të prindërve të saj.
Gjykimi ndaj Demir Hoxhës u zhvillua me procedurë të përshpejtuar, dhe në përfundim të gjykimit u kërkua 25 vjet burg. Për shkak të këtij gjykimi, Hoxha do të përfitojë ulje me 1/3 e dënimit që do të vendosë gjykata.
Prokuroria e Lushnjes, 25 vjet për mësuesin që abuzoi me nxënësen
