Prokuroria për Krime të Rënda në Korçë kërkon dënimin total prej 74 vitesh burg për 6 persona, të akuzuar për “trafik lëndësh narkotike” (heroinë) nga Shqipëria në drejtim të Greqisë. Prokuroria ka kërkuar që:
• Renato Shopi të dënohet me 14 vjet burgim
• Aleks Kreci të dënohet me 13 vjet burgim
• Shyqyri Hasalla të dënohet me 13 vjet burgim
• Ardian Shurdha të dënohet me 12 vjet burgim
• Eli Djali të dënohet me 11 vjet burgim
• Dritan Qesja të dënohet me 11 vjet burgim
Po ashtu, i bashkëpandehur është dhe shtetasi Ervis Haskolli, i cili gjykohet më vete.
Arrestimi i 6 personave u krye në datën 16 prill të vitit të kaluar në pikën kufitare të Kapshticës, ku secili prej tyre tentoi të kalonte në Greqi rreth 2.6 kilogramë heroinë. Nga hetimi që realizoi Prokuroria një javë para arrestimit, rezultoi se 6 personat dhe disa të tjerë ishin pjesë e një grupi që trafikonin lëndë narkotike nga Shqipëria drejt Greqisë.
Gjykata ka pranuar kërkesën e të pandehurve për gjykim të shkurtuar dhe nëse shpallen fajtorë, të pandehurit do të përfitojnë uljen 1/3 e dënimit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
