Policia e Tiranës ka arrestuar sot Kleves Bitro, ish-shefin e kabinetit në Ministrinë e Punës. Ish-këshilltari i ish-ministrit Spiro Ksero është dënuar me 1.5 vite burg, në mungesë, dh akuzohet për shpërdorim detyre shkelje të barazisë në tendera dhe falsifikim dokumentesh.
Në tetor të vitit 2013, Ambasada Amerikane në Tiranë bëri një kallëzim penal ndaj tij, pasi sipas tyre ai kishte pajisur me dokumente false tre shtetas, të cilët u dërguan në SHBA si të “punësuar” të ministrisë së Punës.
Vetë i arrestuari Bitraj, më parë kur ishte në arrati kishte deklaruar lidhur me akuzat që rëndojnë ndaj tij, duke i cilësuar si të qëllimshme.
Dënimet për Kleves Bitro, ish-drejtor i Kabinetit të Ministrisë së Punës
(arrestuar ditën e sotme nga ana e Policisë)
Vendime të formës së prerë
Në dt. 26.11.2014, dënuar me 2 vjet burg, për veprën penale “Mashtrimi”, neni 143 i Kodit Penal
Në dt. 25.07.2014, dënuar me 2 vjet e 4 muaj burgim, për veprën penale “Fallsifikimi i dokumentave” në bashkëpunim, neni 183/25 i Kodit Penal
Shënim: Dy proceset e para janë zhvilluar me gjykim të shkurtuar
Vendim i gjykatës së shkallës së parë (ende nuk ka marrë formë të prerë)
Në dt. 07.05.2015, dënuar me 10 muaj burgim për veprën penale “Shpërdorim i detyrës”, neni 248 i Kodit Penal.
Ndërkohë është nën hetim një tjetër procedim penal ndaj tij për veprën penale “Fallsifikimi i dokumentave”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
