As parë e as dëgjuar. Një infermiere pretendon postin e drejtores së një qendre shëndetësore dhe për këtë, nuk e ka për gjë që të bëjë më të paparën, të rrihet me grushte me drejtorin “që i ka zënë vendin”.
Kjo ka ndodhur në qendrën shëndetësore ët Fanit, në rrethin e Mirditës.
Drejtori i kësaj qendre shëndetësore Gjon Ndreka dhe infermierja e urgjencës Mira Prenga, kanë dhënë një shfaqje dhune dhe përleshje fizike me njëri-tjetrin, ku nuk kanë munguar grushtet dhe sende të tjera rrethanore që kanë adresuar reciprokisht.
Sipas burimeve sherrin e ka nisur infermierja pasi donte të zinte vendin e drejtorit në këtë qendër shëndetësore.
Ngjarja ndodhi sot në ambientet e Qendrës Shëndetësore. Ka qene infermierja e cila ka qëlluar me shpullë dhe drejtori i është kthyer me gushte.
Sipas policisë ata kanë marrë dëmtime të lehta si pasojë e goditjeve që i kanë dhënë njëri-tjetrit dhe kanë përfunduar në spital.
Policia e Rrëshenit e mbërritur në vendin e ngjarjes ka nisur hetimet për zbardhjen e incidentit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
