Policia në dy ditë ka dhënë dy versione për ndalimin e pilotit gjerman të helikopterit, që “i prishi qetësinë” kryeministrit Edi Rama. Ndërsa mësohet se ka nisur procedimi penal ndaj pilotit, bëhet e ditur se shkak i këtij procedimi, është prishja e qetësisë publike në Dhërmi, pasi nga udhëtimi i tij janë shqetësuar shumë pushues, ndër të cilët aty për momentin është duke pushuar edhe familja e kreut të qeverisë.
Enigmë mbetet pushuesi që ka bërë kallëzim për “prishje të qetësisë”, ndërsa besohet, por edhe mësohet nga deklarimet e pilotit gjerman, se ka qenë “kryepushuesi” Edi Rama ai që është ankuar për fluturimin e helikopterit.
Ndërkohë, vetëm një ditë më parë, polica bëri të ditur një tjetër motiv të ndalimit të pilotit gjerman.
Arsyeja e një dite më parë, se përse piloti gjerman ishte ndaluar në Rinas, ka qenë me pretendimin se duhej të kontrollohej nëse e kishte lejen dalëse për të fluturuar drejt këtij vendi apo jo, si edhe vulosja e pasaportave, për daljen nga Rinasi drejt Greqisë. Pasi janë kanë parë se dokumentet e pilotit gjerman kanë qenë të rregullta, ai është lënë i lirë, pas 4 orësh marrje në pyetje, ndërsa sot, mësohet se është proceduar, për “prishje të qetësisë publike.
Për më shumë mund të lexoni …
Edhe …
Si edhe …
