Për të marrë një certifikatë, një vërtetim që je banor lagjeje, apo për të bërë shërbime të tjera në njësitë e Tiranës të duhen në mbi dy orë. Qytetarët kanë shprehur pakënaqësi, pasi sipas tyre bllokohen me orë të tëra në sportelet e gjendjeve civile për një certifikatë.
Radhë të gjata ka kryesisht në dy nga njësitë e Tiranës, ajo nr. 8 dhe nr. 9.
Një arsye për vonesat e shkaktuara është edhe fakti se punonjësit kanë staf të përgjysmuar sepse kanë marrë lejen vjetore.
Përballë një situate të tillë, qytetarët ankohen për faktin se ka pak punonjëse në sportele dhe kjo gjë shkakton radhë.
Shumë persona të tjerë presin në radhë për të marrë certifikata, për të shpallur lidhjen e martesës, apo presin përgjigjen nëse u kanë ardhur nga komisariatet dokumentet për të bërë aplikimin për pasaportë, ndërkohë që radhëve nuk u shmangen dot as gratë shtatzëna.
Një situatë e tillë zhvlerëson zhurmën e kryebashkiakut Erion Veliaj, që jo më larg se edhe një ditë më parë, në mbledhjen e këshillit bashkiak të Tiranës, u shpreh për një përmirësim të cilësisë së shërbimit nga ana e njësive vendore të kësaj bashkie.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
