Tragjedi në familjen Çekani në Proptisht të Pogradecit. Burri 40-vjeçar ka qëlluar bashkëshorten me thikë duke i shkaktuar vdekjen. Sipas policisë, mësohet se autori i krimit, Zamir Çekani e ka lidhur bashkëshorten me litar dhe më pas e ka qëlluar dy herë me thikë me pasojë vdekjen. Ngjarja e rëndë ka ndodhur mesditën e sotme. U raportua fillimisht për plagosje, ndërsa vdekja e gruas është konfirmuar nga banorët e fshatit dhe policia sapo konfirmoi vdekjen e gruas.
Mësohet se Zamir Çekani ishte një person problematik me probleme me alkoolin, dhe viktima 35-vjeçare ishte gruaja e tij e dytë.
Autori i krimit njihej si person i dhunshëm jo vetëm ndaj gruas, por edhe ndaj prindërve të tij.
Policia është vënë në kërkim të tij, pasi Z. Çekani është arratisur menjëherë pasi ka kryer vrasjen.
Krimi makabër në Pogradec, burri lidh me litar dhe qëllon gruan dy here me thikë
