Policia ka sekuestruar paraditen e sotme një arsenal armësh dhe një sasi droge, ndërsa në pranga kanë rënë 3 persona. Operacioni i ndërmarrë nga policia i koduar me emrin ‘Drishti” dhe ka sekuestruar 30 kg e 451 gramë marijuanë, 4 armë zjarri automatikë, 1 pistoletë dhe 1 jelek antiplumb. Në pranga, Vladimir Papaj, 29 vjeç, banues në Shkodër, Hilmi Uruqi, 31 vjeç, banues në Shkodër, Sabri Ara, 55 vjeç, banues në Shkodër.
Të njëjtat burime bënë me dije se operacioni u finalizua me sukses nga shërbimet e Komisariatit dhe Drejtorisë së Policisë së Qarkut Shkodër në bashkëpunim me forcën e posaçme dhe operacionale të Drejtorisë së Policisë së Shtetit, pas një hetimi 2 javor me metoda proaktive.
Po vijon puna në bashkëpunim me Prokurorinë e rrethit Shkodër për zbardhjen dhe dokumentimin e plotë të këtij aktiviteti kriminal, ku për arsye hetimi nuk bëmë me dije të dhëna të tjera.
Materialet i kaluan Prokurorisë së rrethit gjyqësor Shkodër, për veprat penale, “Prodhim dhe shitje e narkotikëve në bashkëpunom”, “Kultivim i bimëve narkotike”, “Trafikimi i armëve dhe i municionit në bashkëpunim”, “Prodhimi, mbajtja, blerja apo shitja pa leje e armëve të ftohta”, vepra këto të parashikuara nga Nenet 283/2, 284, 278/2, 279, të Kodit Penal.
Të arrestuar
Vladimir Papaj, 29 vjeç, banues në Shkodër
Hilmi Uruqi, 31 vjeç, banues në Shkodër
Sabri Ara, 55 vjeç, banues në Shkodër
Sekuestruar në cilësinë e provës materiale
– 30 kilogram e 451 gram Mariuane.
– automjeti tip “Jeep”, me targa SH 2707 D me ngjyre blu, pa dokumente.
– 3 telefona celularë të markës “Samsung”
– 3 kartëmonedha 1000 (njëmijë) lekëshe të shënuara me parë.
– 4 armë zjarri automatike të tipit model 56.
– 2 krehra të këtyre armëve me 111 fishekë.
– 1 pistoletë me një karikator në folenë e saj, që mban në të disa sfera të vogla metalike.
– 1 thikë me teh metalik, me hapje dhe me dorezë material druri.
– 1 dorezë metalike, me katër unaza, në formë harku.
– 1 shkop metalik me hapje i futur ne folenë e tij.
– 5 bombula me ngjyrë gri metalizato me mbishkrimin ASG.
– 1 jelek antiplumb me ngjyre blu.
– 1 motor me targa SH 259 E.
