Sipas policisë italiane, grupi kriminal që trafikonte lëndë narkotike nga Shqipëria në drejtim të Italisë me avion, e kryente këtë aktivitet që prej muajit mars të këtij vit. Policia dyshon se gjatë kësaj periudhe ky grup mund të ketë trafikuar edhe herë të tjerë drogë nga Shqipëria drejt Italisë. Në njoftimin e policisë, janë evidentuar 7 raste që nga muaji mars ku grupi kriminal ka trafikuar lëndë narkotike.
Ditën e djeshme, operacioni i përbashkët policor mes Italisë dhe Shqipërisë vuri nën pranga 14 persona, mes të cilëve edhe efektivin e policisë në Drejtorinë e Policisë Vlorë, Vladimir Canaj, si edhe sekuestroi sasinë prej 3.5 ton lëndë narktoike. Grupi, pjesë e një organizate kriminale, përbëhej nga anëtarë të dy familjeve, Lamaj dhe Bruhamaj, të cilët përmes një avioni të lehtë transportonin drogë në drejtim të Italisë për t’u shpërndarë në zona të ndryshme.
NGARKESAT ME DROGË
–
Më 27 mars 2015 D.B. (shtetas shqiptar), korrier, arrestohet me 51 kg marijunë në Gatteo (FC)
–
Më 4 prill 2015 janë sekuestruar 4 kg marijuanë e fshehur me mjetin në emër të shtetasit Elizer Ahmetaj
–
Më 11.04.2015 u arrestua një italian me 500 gr marijuanë të marrë më parë tek Elizer Ahmetaj
–
Më 13 prill 2015 u sekuestruan 9 kg marijuanë dhe një jelek antiplumb në afërsi të një banese në përdorim nga Elizer dhe Arshi Ahmetaj
–
Më 29 prill 2015 u arrestua një italian me 15.2 kg kokainë, të marrë më parë tek Elizer dhe Xhesjan Ahmetaj
–
Më 26 mars 2015 është transportuar një sasi malli me “BMW” X5 me targa shqiptare AA xxx për llogari të Sokol Lamajt (të arrestuar më parë për posedim të 500 kg marijuanë, malli i njëjtë me sasinë prej 9 kg të kapur më 13 prill 2015-08-27
–
Më 4 gusht 2015, 120 kilogramë marijuanë e kapur në avionin e ulur në Osti, në Bolonjë të Italisë.
