Tiranë, aksidenti tragjik i merr jetën 55- vjeçarit, bie me Benz nga 15 metra lartësi

Një aksident i rëndë ka ndodhur  rreth orës 16:00 në Tiranë e për pasojë ka gjetur vdekjen e menjëhershme Gëzim Llënga. 55-vjeçari ishte duke udhëtuar me mjetin e tij tip “Benz” me targa AA 366 AH ku ka humbur kontrollin e makinës  duke rënë me mjetin e tij në një lartësi prej 15 metrash. Aksidenti tragjik ndodhi në rugën që lidh rrethrrotullimin e Saukut me pjesën jugore të Unazës së Madhe të Tiranës.
Menjëherë në vendngjarje kanë mbërritur forcat policore dhe ato zjarrfikëse, por trupi i Gëzim Llëngës ishte i bllokuar dhe nuk është bërë e mundur shpëtimi i tij.