Një aksident i rëndë ka ndodhur në aksin rrugor Milot-Thumanë ku për pasojë ka mbetur i vdekur një 27-vjeçar. Ngjarja e rëndë ndodhi pasditen e sotme, rreth orës 16:00 pranë fshatit Gjorem. Ervin Ranxi po udhëtonte drejt Shkodrës me një makinë tip Benz, e cila ka humbur kontrollin dhe është përplasur me një kamion të parkuar në anë të rrugës.
Si pasojë e përplasjes së fortë, i riu ka gjetur vdekjen e menjëhershme. Ndërkohë për shkak të përplasjes është përmbysur edhe kamioni, por fatmirësisht pa viktima të tjerë pasi nuk kishte njeri në automjet në momentin e aksidentit.
Menjëherë në vendngjarje kanë mbërritur forcat e policisë për të hetuar shkaqet dhe rrethanat e aksidentit, por dyshohet se shkak ka qenë shpejtësia e lartë dhe humbja e kontrollit të automjetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
