Avioni “Aeroprakt A22 S”, i përdorur nga Vilson Lamaj për transportin e drogës zbulohet se është përdorur disa herë gjatë vitit 2014. Në media po qarkullojnë fotot ku më 19 qershor të 2014 avioni fluturonte në rivierën e bregdetit të Riminit nën drejtimin e një piloti që njihej me pseudonimin “Babushi Vlorë”.
Edhe pse policia ka deklaruar zyrtarisht se avioni është përdorur vetëm një herë, ky fakt dëshmon të kundërtën, dhe se mund të jetë përdorur disa herë më parë.
Por ekziston edhe një pistë tjetër se ky avion avion përdorej për një jetë luksoze në rivierën e Riminit, ndërsa në agjensinë e të ardhurave në Itali, trafikantët figuronin të papunë.
Gjithashtu është zbuluar edhe makina që përdorej nga vëllezërit Lamaj, Audi A3 me targë CM 288 LM ku policia italiane kishte vendosur përgjuesin.
Gjatë javës do të dalin para gjykatës në Itali tetë të arrestuarit, mes të cilëve edhe piloti Vilson Lamaj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
