Në prag të nisjes së sesionit të ri parlamentar kyetari i PD-së, Lulzim Basha do të thërrasë të shtunën rreth orës 19:00, mbledhjen e kryesisë së partisë. Në mbledhjen e kryesisë, çështja kryesore e diskutimit do të jetë ajo e aksionit politik të PD-së, që do të shtrihet në dy rrafshe kryesore: oponenca në parlament dhe protestat e mundshme.
Më herët, PD-ja ka lajmëruar se në nisje të sesionit të ri parlamentar, ajo do të bëjë publike platformën e saj të dekriminalizimit, si edhe janë ngritur grupet e punës për të përgatitur paketën ekonomike të shpëtimit.
Një tjetër çështje që pritet të jetë pjesë e diskutimeve dhe analizës është korrupsioni, duke përmendur këtu edhe rastin më të fundit të shënur, ai i skandalit të kryeparlamenatrit Meta.
Të shtunën mblidhet kryesia e PD-së, dy aksionet kryesore të opozitës: oponenca në parlament dhe protestat
