Miliarderi egjiptian kërkon të blejë ishull në Greqi dhe Itali për të strehuar refugjatët

Tragjedia e refugjatëve që vijnë nga vendet e luftërave vazhdon të mos gjejë një zgjidhje përfundimtare, teksa dita-ditës humbin jetën dhjetëra prej tyre.
Por, ndërsa Europa ende nuk ka një qëndrim të qartë, Merkel ka propozuar që emigrantët të shpërndahen në 26 shtetet e BE-së, por një zgjidhje më racionale dhe të prekshme e ka propozuar një biznesmen miliarder.
Naguib Sawiris, miliarderi egjiptian i ka kërkuar Italisë dhe Greqisë të blejë një ishull për të strehuar emigrantët nga Siria.
Këtë kërkesë, egjiptiani e ka bërë nëpërmjet rrjetit social Tëitter, ku shkruan: Greqia dhe Itali, le të më shesin një ishull. Do e bëj të pavarur dhe do strehoj emigrantë duke i punësuar të ndërtojnë ata vetë ishullin’.
Sawiris shkruan se një ishull grek apo italian mund të kushtojë nga 10 deri në 100 milionë dollarë, por për të, me rëndësi më pas ka investimi në të.
“Ata ikin nga lufta dhe minimumi që mund të bëjmë është të paktën t’i trajtojmë si njerëz. Europa as këtë nuk po bën”.
Propozimi  tij vjen menjëherë pas ngjarjes tronditëse të mbytjes së tre-vjeçarit, fotot e të cilit përcollën dramën e refugjatëve që vijnë nga Siria për t’i shpëtuar luftës.

/DRONI.al/