Shfrytëzimi i Lagunës së Patokut ka qënë në qendër të përgjakjes së sotme në Lac ku u plagosën 7 persona ndërkohë që deputeti i PS-së, Armando Prenga, tashme I arrestuar, akuzohet të ketë kryer të paktën një plagosje me armë.
Tenderi për shfrytëzimin e kësaj lagune u bë në pranverën e vitit të kaluar dhe morën pjesë në garë familja Cali që ndërkohë e shfrytëzonte prej vitesh atë lagunë pasi ishin edhe banorë në breg të saj si dhe kompania “Tenki-01”, me administrator vëllain e deputetit Prenga Valentin (Edmond) Prenga.
Gara u fitua me një diferencë prej 5 pikësh nga firma e Prengës duke shënuar edhe nisjen e një sherri mes dy familjeve.
Kompani e Prengës sapo ishte formuar dhe qartësisht në funksion të këtij tenderi.
Atëherë PD e denoncoi tenderin si të korruptuar dhe akuzoi deputetin socialist se ka marë në mënyrë të dyhsimtë shfrytëzimin e Lagunës së Patokut.
“Me një tender të dyshimtë, në shkelje të të gjithë kritereve teknike, vëllai i deputetit të Edi Ramës, ka arritur të fusë në dorë këtë aset të çmuar edhe pse ka një kompani të ngritur enkas, prej 2 muajsh. Ky është një rast i pastër i gërshetimit të lidhjeve kriminale me korrupsion e biznes qeveritar. Dhënia e lagunës së Patokut, një prej pasurive kombëtare, vëllait të deputetit Armando Prenga, është padyshim thellimi i inkriminimit. Me një tender të dyshimtë, në shkelje të të gjithë kritereve teknike, vëllai i deputetit të Edi Ramës, ka arritur të fusë në dorë këtë aset të çmuar edhe pse ka një kompani të ngritur enkas, prej 2 muajsh”, thuhej në deklaratën e PD.
Deputeti Armando Prenga është përfshirë ose ka qënë protagonist i disa akteve të dhunshme në Parlament.
Në shkurt të vitit 2011 ai goditi me grusht në sallën plenare deputetin e PD Edi Paloka. Në maj të 2014 u përfshi në goditjen e deputetit të PD-së, Gent Strazimiri në korridoret e Kuvendit.
Armando Prenga mban dy emra. Thirret edhe Edmond. Ai ka qënë i dënuar jashtë vendit por nuk është penguar për të pasur një dëshmi penaliteti të pastër, kriter ky i mjaftueshëm për të qënë në stafin politik të Kryeministrit, Edi Rama.
