Disa nga gjetjet më negative të OSBE/ODIHR-it përgjatë monitorimit të zgjedhjeve lokale të 21 qershorit lidhen kryesisht me fushatën zgjedhore dhe më pak me ditën e zgjedhjeve apo procesin e numërimit të votave.
Raporti kritikon përdoromin e aseteve dhe të mirave publike në favor të një partie politike. “Personalitetet kryesore nga partitë e mëdha qeverisëse shpërndanë ҫertifikata për legalizimin e pasurisë së paluatjshme në aktivitetet e fushatës,29 dhe një numër kandidatësh të ASHE-së përdorën aktivitete dhe burime shtetërore,30 duke zbehur kështu ndarjen midis shtetit dhe partisë.
Por akuza më e rëndë e raportit lidhet me blerjen e votës. “Gjithashtu, pati akuza të blerjes së votës, si edhe idividë që u dorëzonin kartat e tyre të identitetit partive përpara ditës së zgjedhjeve. Personalitetet kryesore të partive parlamentare dhe joparlamentare e njohën këtë si tipar të zgjedhjeve në Shqipëri”, thuhet në raport.
Raporti është kritik edhe me median që influencohet nga interesat e pronarëv dhe politikanëve. “Pavarësisht numrit të madh të mjeteve të informacionit, lidhjet e medias me partitë kryesore politike, si rezultati i interesave të biznesit të pronarëve të mediave shkaktoi ndërhyrje të drejtpërdrejtë në ҫensurimin e autonomisë mediatike, dhe kufizoi pluralizmin e këndvështrimeve. Lajmet u mbizotëruan nga filmimet e fushatës të cilat u prodhuan nga vetë partitë politike, duke mjegulluar ndarjen strikte midis përmbajtjes editoriale dhe reklamave politike. Të gjithë kanalet televizive të monitoruara, duke përfshirë dhe transmentuesin shtetëror favorizuan një nga partitë më të mëdha në mbulimin e fushatës së tyre.
Në përgjithësi dita e zgjedhjeve vijoi në mënyrë paqësore në të gjithë vendin. Edeh fazat e numërimit u vlerësuan pozitivisht, nga vëzhguesit e OSBE.
