Nga ana ZQK Interpol Tirana u krye sot ekstradimi nga Milano/Itali, drejt vendit tonë i shtetasit Alfred Pjetri (Rrethi), 25 vjeç lindur në Gimaj, Shkodër.
Ekstradimi i tij u bë sepse, gjykata e Rrethit Gjyqësor Shkodër, me vendimin Nr. 362 (1917), datë 24. 05. 2014, ka caktuar masën e sigurimit “Arrest në burg“, në ngarkim të tij, për kryerjen e veprave penale të “Vrasjes në rrethana cilësuese“ e kryer në bashkëpunim e mbetur në tentativë dhe “Prodhimit dhe mbajtjes pa leje të armëve luftarake dhe municionit“, parashikuar nga nenet 79/dh, 25-22, dhe 278 të Kodit Penal të Republikës së Shqipërisë
Ngjarja për të cilën akuzohet Alfred Pjetri (Rrethi), ka ndodhur më datë 25. 12. 2013. Rreth orës 02:00 të kësaj date, policia është njoftuar se në lokalin e shtetasit K. M., në lagjen “Ndoc Mazi”, Shkodër, ka pasur të shtëna me armë. I pandehuri pas një konflikti për motive të dobëta është kthyer në lokal dhe ka qëlluar duke plagosur një shtetas.
Si rezultat i bashkëpunimit të Interpol Tiranës me Interpol Romën, shtetasi Alfred Pjetri (Rrethi) është arrestuar në territorin e rajonit të Monza-s/Itali, me qëllime ekstradimi drejt vendit tonë.
Ekstradohet nga Italia shkodrani i akuzuar për plagosje me armë dy vjet më parë
