Një vrasës i dënuar me 20 vite burg dyshohet se ka mbetur i plagosur përgjatë një përplasje me armë me forcat e ndërhyrjes së shpejtë në Grykë Orosh në Kacinar të Mirditës.
Petrit Nikoll Dushi, 44 vjec, është i kërkuar nga drejtësia për vrasje dhe falsifikim dokumentash. Gjykata e ka dënuar me 20 vite burg ndërkohë që ai qëndronte i fshehur.
Policia kishte rënë në gjurmët e tij dhe sot ka nisur një aksion për arrestimin e vrasësit. Aksioni ka zgjatur prej gati dy orësh dhe në të janë përfshirë dy grupe të forcave speciale.
Burimet policore thonë se ai rezistoi me armë ndaj policisë dhe gjatë shkëmbimit të zjarrit ka mbetur i plagosur.
